ဒေါ်မြူနှင်းပွင့်ထိုက် (ခ) ကက်သရင်းသည်ဒဂုံတက္ကသိုလ်မှ အင်္ဂလိပ်စာ အထူးပြုဘာသာရပ်ဖြင့် ဝိဇ္ဇာဘွဲ့ကို ရရှိခဲ့ပြီး သူမ၏ မဟာဘွဲ့ကို James Cook University, Australia မှ Tourism and Hospitality အထူးပြုဘာသာရပ်ဖြင့်စင်ကာပူနိုင်ငံတွင်တက်ရောက်အောင်မြင်ရရှိခဲ့ သည်။ သူမ၏ကျောင်းသားဘဝ တစ်လျှောက်လုံးတွင် ကိုယ်စားလှယ် ရေးရာကိစ္စရပ်များ ၊ ကျောင်းတွင်းနှင့် ကျောင်းပြင်ပ ပွဲလမ်းသဘင်များ၌ စေတနာ့ဝန်ထမ်းအဖြစ် အားတက်သရော ပါဝင်ခဲ့ပြီး ၎င်းအတွေ့အကြုံများမှ သူမ၏ လုပ်ငန်းခွင်အတွက် အထောက်အကူများစွာ ရရှိ စေခဲ့သည်။ သူမတက်ရောက်ခဲ့သော James Cook University, Australia မှလည်း သူမကို အခြားသောကျောင်းသူ ကျောင်းသားများအတွက် အတုယူဖွယ် စံပြကျောင်းသားတစ်ဦး အဖြစ် သတ်မှတ်ခဲ့ကြပြီး ဘွဲ့ရပြီးသည် နှင့်တစ်ပြိုင်နက် ၎င်းတက္ကသိုလ်၌ပင် ပြန်လည်ဝင်ရောက် လုပ်ကိုင် ခဲ့သည်။ သူမ၏ အလုပ်အကိုင်ကို ကျောင်းသားရေးရာကိစ္စရပ်များကို တာဝန်ယူ ဆောင်ရွက်ရသော စီမံခန့်ခွဲမှုအရာရှိ အဖြစ်စတင်ခဲ့ပြီး သူမရရှိခဲ့သောအတွေ့အကြုံများကို အသုံးချကာ တက္ကသိုလ်ကျောင်းသူကျောင်းသားများအနေဖြင့်၎င်းတို့၏လုပ်နိုင်စွမ်းနှင့်အတွေ့အကြုံများပိုမိုရရှိလာစေရန် ကူညီဆောင်ရွက်ခဲ့သည်။ တစ်နှစ်ခန့် အကြာတွင် အကြီးတန်းစီမံခန့်ခွဲမှုအရာရှိအဖြစ် Marketing Team တွင်ပြောင်းလဲတာဝန်ယူဆောင်ရွက်ခဲ့ပြီး ပွဲလမ်းသဘင်များကျင်းပခြင်း ၊ ကျောင်းသား ကျောင်းသူများနှင့်ဆက်သွယ်ခြင်းနှင့် တက္ကသိုလ်စတင်တက်ရောက်မည့် ကျောင်းသူကျောင်းသားများ ကိုလည်းပညာရေးအကြံပေးဆွေးနွေး ခြင်းများကိုကူညီဆောင်ရွက်ပေးခဲ့သည်။ 

(၂) နှစ်ခန့်အကြာတွင် စင်ကာပူနိုင်ငံရှိ James Cook University, Australia ၏ Country Manager အဖြစ် ရာထူးတိုးမြှင့်ခြင်းခံခဲ့ရပြီး လာအို ၊ ဗီယက်နမ် ၊ ကမ္ဘောဒီးယား နှင့်သူမ၏ မွေးရပ်ဌာနေ ဖြစ်သောမြန်မာနိုင်ငံအစရှိသောနိုင်ငံများနှင့်သက်ဆိုင်သော ပညာရေးရာကိစ္စရပ်များ အတွက် တာဝန်ယူ ဆောင်ရွက်ခဲ့သည်။ သူမသည်ကျောင်းသူကျောင်းသားများနှင့်ကျောင်းသားမိဘများကို ပညာရေးနှင့် ပတ်သက်ပြီးအကြံပေးဆွေးနွေးခြင်းနှင့်ကျောင်းအပ်နှံရေးနှင့်သက်ဆိုင်သောကိစ္စရပ်များအတွက်တာဝန်ယူဆောင်ရွက်ခဲ့ပြီး ပြည်တွင်းရှိပညာရေးဝန်ဆောင်မှုကုမ္ပဏီများ ၊ မီဒီယာများနှင့်အတူ‌ တက္ကသိုလ်၏ ပုံရိပ်မြင့်တက်လာစေရန်ဆောင်ရွက်ခဲ့ပြီးနိုင်ငံရပ်ခြားတွင်သွားရောက်ပညာသင်ယူနိုင်မည့်အခွင့်အလမ်းများနှင့်ရရှိလာနိုင်သောအကျိုးကျေးဇူးများကိုလူအများသိမြင်လာစေရန်ဆောင်ရွက်ခဲ့သည်။ ၂၀၁၇ခုနှစ် အောက်တိုဘာလတွင် James Cook University ၏ Country Manager အဖြစ်မှ အနားယူခဲ့ပြီး Future Link ပညာရေးဝန်ဆောင်မှုကုမ္ပဏီတွင် အလွတ်တန်းပညာရေးအတိုင်ပင်ခံအဖြစ် ကျောင်းသားများကို ပညာရေးဆွေးနွေးပေးခြင်းနှင့်ကျောင်းသူကျောင်းသားများကိုအရည်အချင်းစစ်ဆေးခြင်း ၊ ရွေးချယ် ခန့်အပ်ခြင်း များကိုဆောင်ရွက်ခဲ့သည်။ 

ကက်သရင်းသည် မြန်မာ့ပထမဆုံးပုဂ္ဂလိကတက္ကသိုလ်ဖြစ်သော Myanmar Imperial University တွင် Academic Manager အဖြစ် ဩဂုတ်လ ၂၀၁၈ မှစတင်တာဝန်ယူဆောင်ရွက်ခဲ့သည်။ သူမ၏ပညာရေးနှင့်သက်ဆိုင်သောအသိပညာများကိုပိုမိုကျယ်ပြန့်လာစေပြီးသင်ရိုးညွှန်းတမ်းရေးဆွဲခြင်းနှင့် အဆင့်မြှင့်တင်ခြင်း ၊ Programme Design ရေးဆွဲခြင်း ၊ ကျောင်းသားကျောင်းသူများအား ပညာရေး ဆိုင်ရာဆွေးနွေးပေးခြင်း ၊ နိုင်ငံခြားမိတ်ဖက်အဖွဲ့အစည်းများ ကျောင်းများနှင့် စာချုပ်စာတမ်း ကိစ္စရပ်များဆောင်ရွက်ခြင်း ၊ ကျောင်းသားကျောင်းသူများအားရွေးချယ်ခန့်အပ်ခြင်းများကို တာဝန်ယူ ဆောင်ရွက်လျက်ရှိပြီးလက်ရှိတွင်နိုင်ငံရပ်ခြားသို့သွားရောက်ပညာသင်ယူကြမည့်ကျောင်းသားကျောင်းသူများကို လည်း ပညာ‌ရေးဆွေးနွေးခြင်းနှင့်အတူ သူမ၏အတွေ့အကြုံများကို ပြန်လည်ဝေမျှပေးလျက် ရှိပါသည်။